Qaysi davlat organlari korruptsiyaga qarshi kurashadi?

Korruptsiyaga qarshi kurashish bo‘yicha faoliyatni bevosita amalga oshiruvchi davlat organlari quyidagilar:

• O‘zbekiston Respublikasi Korruptsiyaga qarshi kurashish agentligi
  Manzil: 100070, Toshkent shahri, Yakkasaroy tumani, Shota Rustaveli ko‘chasi, 8A-uy;
  qisqa raqam: 1253;
  telefon: +998 71 202-04-02;
  elektron pochta: info@anticorruption.uz.
• O‘zbekiston Respublikasi Bosh prokuraturasi
  Manzil: Toshkent shahri, Akademik Yahyo G‘ulomov ko‘chasi, 66-uy;
  ishonch telefoni: 1007;
  telefon: +998 71 232-10-07;
  elektron pochta: bp@prokuratura.uz.
• O‘zbekiston Respublikasi Davlat xavfsizlik xizmati
  Manzil: Toshkent shahri, Mirzo Ulug‘bek tumani, Mirzo Ulug‘bek shoh ko‘chasi, 102A-uy;
  ishonch telefoni: 1520.
• O‘zbekiston Respublikasi Ichki ishlar vazirligi
  Manzil: 100029, Toshkent shahri, Yunus Rajabiy ko‘chasi, 1-uy;
  telefon: +998 71 231-43-04;
  tezkor raqam: 102;
  ishonch telefoni: 1102.
• O‘zbekiston Respublikasi Adliya vazirligi
  Manzil: 100047, Toshkent shahri, Sayilgoh ko‘chasi, 5-uy;
  telefon: +998 71 207-04-43;
  ishonch telefoni: 1008;
  elektron pochta: info@adliya.uz.
• O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti
  Manzil: Toshkent shahri, Mirzo Ulug‘bek tumani, Akademik Yahyo G‘ulomov ko‘chasi, 39A-uy;
  ishonch telefoni: +998 71 233-10-07.

Korruptsiyaga qarshi kurashish bo‘yicha faoliyatni qonunchilikka muvofiq boshqa davlat organlari ham o‘z vakolatlari doirasida amalga oshiradi.

Korruptsiyaga qarshi kurashish agentligining vazifalari

Korruptsiyaga qarshi kurashish agentligi ushbu sohadagi maxsus vakolatli davlat organi hisoblanadi.

Agentlik, jumladan:

• mamlakatdagi korruptsiya holatini tizimli tahlil qiladi;
• korruptsiyaning sabablari va unga imkon berayotgan shart-sharoitlarni aniqlaydi;
• davlat organlari va tashkilotlarida korruptsiyaga qarshi ichki nazorat tizimini joriy etishga ko‘maklashadi;
• davlat organlarining korruptsiyaga qarshi faoliyatini o‘rganadi;
• korruptsiyaga oid murojaatlarni ko‘rib chiqadi;
• korruptsiyaning oldini olish bo‘yicha takliflar ishlab chiqadi.

Korruptsiya haqida qaerga xabar berish mumkin?

Korruptsiyaga oid huquqbuzarlik haqida:

• Korruptsiyaga qarshi kurashish agentligiga;
• prokuratura organlariga;
• Davlat xavfsizlik xizmatiga;
• ichki ishlar organlariga;
• Iqtisodiy jinoyatlarga qarshi kurashish departamentiga;
• tegishli davlat organi yoki tashkilotining korruptsiyaga qarshi ichki nazorat bo‘linmasiga xabar berish mumkin.

Korruptsiyaga qarshi kurashish agentligiga quyidagi usullarda murojaat qilish mumkin:

• 1253 qisqa raqamli Call-markaz orqali;
• eanticor.uz elektron platformasi orqali;
• info@anticorruption.uz elektron pochta manzili orqali;
• yozma yoki shaxsiy murojaat orqali.

Xabarda nimalar ko‘rsatilishi kerak?

Murojaatda imkoni boricha quyidagilar ko‘rsatilishi maqsadga muvofiq:

• korruptsiya holati sodir bo‘lgan joy va vaqt;
• huquqbuzarlik sodir etgan shaxs yoki tashkilot haqidagi ma’lumot;
• voqeaning mazmuni;
• mavjud hujjatlar, audio, video, foto yoki boshqa dalillar;
• murojaat qiluvchining aloqa ma’lumotlari.

Xabarda keltirilgan ma’lumotlar voqelikka mos bo‘lishi kerak. Bila turib yolg‘on axborot berish qonunchilikda belgilangan javobgarlikka sabab bo‘lishi mumkin.

Xabar bergan shaxs himoya qilinadimi?

Korruptsiyaga oid huquqbuzarlik haqida xabar bergan shaxslar va ularning yaqin qarindoshlari to‘g‘risidagi ma’lumotlar qonunchilikda belgilangan tartibda muhofaza qilinadi.

Ularning hayoti, sog‘lig‘i, sha’ni, qadr-qimmati yoki mol-mulkiga tahdid mavjud bo‘lsa, vakolatli organlar tomonidan himoya choralari ko‘rilishi mumkin.

Xabar bergan shaxs rag‘batlantirilishi mumkinmi?

Korruptsiyaga oid huquqbuzarlik haqida xabar bergan yoki korruptsiyaga qarshi kurashishga boshqa tarzda ko‘maklashgan shaxs qonunchilikda belgilangan asoslar mavjud bo‘lganda:

• bir martalik pul mukofoti;
• tashakkurnoma;
• esdalik sovg‘a bilan rag‘batlantirilishi mumkin.

Rag‘batlantirish avtomatik ravishda emas, xabarning ahamiyati va uning natijalari vakolatli organlar tomonidan ko‘rib chiqilganidan keyin amalga oshiriladi.