Bolani ixtisoslashtirilgan maktabgacha ta’lim tashkilotiga joylashtirish

Davlat ixtisoslashtirilgan maktabgacha ta’lim tashkilotlarida rivojlanishida jismoniy yoki psixik nuqsonlari bo‘lgan 2 yoshdan 7 yoshgacha bolalar uchun maxsus guruhlar tashkil etiladi.

Bunday guruhlar:

nutqida, eshitishida yoki ko‘rishida og‘ir nuqsonlari bo‘lgan;
psixik rivojlanishi kechikayotgan;
aqliy rivojlanishida nuqsonlari bo‘lgan;
tayanch-harakat apparatida nuqsonlari bo‘lgan bolalar uchun tashkil etilishi mumkin.

Qabul qilish uchun zarur hujjatlar

Bola ixtisoslashtirilgan maktabgacha ta’lim tashkilotiga bo‘sh o‘rin mavjud bo‘lganda kalendarь yil davomida qabul qilinadi.

Qabul qilish uchun:

psixologik-tibbiy-pedagogik komissiyaning belgilangan tartibda berilgan xulosasi;
bolaning belgilangan shakldagi tibbiy kartasi;
profilaktik emlash kartasi taqdim etiladi.

Qo‘shma turdagi maktabgacha ta’lim tashkilotining maxsus yoki inklyuziv guruhiga qabul qilishda bolaning qonuniy vakili arizasi ham talab etiladi.

Komissiya xulosasi

Psixologik-tibbiy-pedagogik komissiya:

bolaning rivojlanish holatini baholaydi;
unga mos ta’lim shakli va guruhni belgilaydi;
ixtisoslashtirilgan tashkilotda bo‘lish muddatini;
korrektsion-pedagogik ishlar davomiyligini belgilaydi.

Bolaning tashkilotda bo‘lish muddati har bir holat bo‘yicha alohida belgilanadi. Zarur bo‘lganda bola qayta tekshiruvga yuboriladi.

Qabulni rasmiylashtirish

Bolani qabul qilish maktabgacha ta’lim tashkiloti bilan qonuniy vakil o‘rtasida tuziladigan shartnoma va tashkilot rahbarining buyrug‘i bilan rasmiylashtiriladi.

Tashkilotda bola uchun uning sog‘lig‘i va rivojlanish xususiyatlariga mos:

ta’lim-tarbiya;
korrektsion-pedagogik yordam;
reabilitatsiya;
parvarish va sog‘lomlashtirish sharoitlari yaratiladi.

Qachon bola tashkilotdan chiqariladi?

Bola quyidagi asoslarda chiqarilishi mumkin:

qonuniy vakilning arizasi;
tibbiy ko‘rsatmalar;
shartnoma shartlari bajarilmasligi;
tashkilot tibbiy-psixologik-pedagogik kengashining xulosasi;
komissiya belgilagan bo‘lish muddati tugashi;
bolaning maktab yoshiga — 7 yoshga etishi.

Normativ hujjatlar

O‘zbekiston Respublikasi Vazirlar Mahkamasining 2019-yil 13-maydagi 391-son qarori

Maqola foydali bo‘ldimi?

Bo‘limlar