Ҳуқуқий маслаҳат - бепул, тезкор, ҳаммага!

Хусусий сектор ходимлари иш ҳақини олиш учун банкни ўзлари танлаши мумкин

  • 20.11.2026
  • 85 марта ўқилди

Марказий банк жорий этаётган тизим орқали ходимлар иш ҳақи, мукофот пули ва бошқа тўловларни ўзлари танлаган банк картаси ёки электрон ҳамёнга олиши мумкин. Тизимнинг дастлабки версияси хусусий сектор ташкилотлари ва уларнинг ходимлари учун мўлжалланган.


Ходим бухгалтерияга реквизитларни тақдим этади

Ходим ўзи танлаган карта ёки электрон ҳамён реквизитларини иш берувчининг бухгалтериясига беради. Картани ёки ҳамённи кейинчалик алмаштириш учун бухгалтерияга янги реквизитларни тақдим этиш мумкин.

Ходим ўз номига расмийлаштирилган мавжуд карта ёки электрон ҳамёндан фойдаланиши мумкин. «Маблағларни тақсимлаш маркази» тизимида алоҳида рўйхатдан ўтиш талаб этилмайди.

Иш берувчи тўловларни ягона реестр орқали юборади

Ташкилот ходимлар турли банкларни танлаган тақдирда ҳам барча тўловларни битта реестрга киритиб, ўзига хизмат кўрсатувчи банкка юборади. Банк реестрни электрон рақамли имзо билан тасдиқлаб, Марказ тизимига узатади. Тизим маълумотларни текшириб, тўловларни тегишли банкларга йўналтиради. Хато аниқланса, реестр тузатиш учун қайтарилади.

Тизим Президентнинг 2025 йил 27 ноябрдаги ПҚ–359-сон қарори доирасида жорий этилмоқда.

Марказий банк хабари · ПҚ–359-сон қарор, Lex.uz

Chat