Fuqarolarni harbiy xizmatga tayyorlash va chaqirish

Harbiy xizmatga tayyorlash nimalardan iborat?

Chaqiriluvchilarni harbiy xizmatga tayyorlash:

chaqiruvga qadar boshlang‘ich tayyorgarlik;
harbiy-texnika mutaxassisliklari bo‘yicha o‘qitish;
jismoniy tayyorgarlik;
davolash va sog‘lomlashtirish ishlari;
vatanparvarlik ruhida tarbiyalash;
oliy harbiy ta’lim muassasalariga tayyorlashni qamrab oladi.

Chaqiruv uchastkasi — fuqarolarni harbiy ro‘yxatga olish va chaqiruvga tayyorlash uchun tuman yoki shaharda tashkil etiladigan joy.

Tibbiy ko‘rik — fuqaroning harbiy xizmatga yaroqlilik darajasini aniqlash jarayoni.

Chaqiruv komissiyasi — fuqaroni xizmatga yuborish, kechiktirish yoki boshqa tegishli qarorni qabul qiluvchi komissiya.

Chaqiruv uchastkasida qayd etish

Qayd etishdan maqsad:

fuqarolarni harbiy ro‘yxatga olish;
ularning sonini aniqlash;
sog‘lig‘i, jismoniy va umumta’lim tayyorgarligini baholashdir.

Qayd etish umumiy o‘rta, o‘rta maxsus va boshlang‘ich professional ta’lim muassasasidagi oxirgi o‘quv yilining oktyabrь–noyabrь oylarida o‘tkaziladi.

Fuqaro chaqiruv qog‘ozida ko‘rsatilgan muddatda mudofaa ishlari organiga kelishi va zarur hujjatlarni taqdim etishi shart.

Tibbiy ko‘rik

Chaqiriluvchining harbiy xizmatga yaroqliligi tegishli mutaxassis vrachlar tomonidan baholanadi.

Zarur hollarda fuqaro:

qo‘shimcha tibbiy tekshiruvga;
davolanishga;
qayta tibbiy ko‘rikka yuborilishi mumkin.

Qanday qarorlar qabul qilinadi?

Vakolatli komissiya fuqaroga nisbatan:

muddatli harbiy xizmatga chaqirish;
muqobil xizmatga yuborish;
safarbarlik chaqiruvi rezerviga olish;
chaqiruv muddatini kechiktirish;
chaqiruvdan ozod qilish;
sog‘lig‘iga ko‘ra tegishli qaror qabul qilishi mumkin.

Fuqaroning huquqi

Fuqaro tibbiy ko‘rik va komissiya qarorlari bilan tanishish, shuningdek qarordan norozi bo‘lsa, yuqori turuvchi komissiyaga yoki sudga shikoyat qilish huquqiga ega.