Xorijda tug‘ilgan bolani qayd etish

Bir yoshga to‘lmagan bolalarga pasport olinganini eshitganmisiz?

Tug‘ilganlik qaerda qayd etiladi?

Tug‘ilganidan keyin O‘zbekiston fuqarosi hisoblanishi mumkin bo‘lgan bolaning tug‘ilganligi:

bola tug‘ilgan;
yoki ota-onasi yashash yoxud turgan joyi bo‘yicha yashayotgan

konsullik okrugidagi O‘zbekiston konsulligi tomonidan qayd etiladi.

Mavzuga oid atamalar:
Konsullik okrugi — muayyan konsullik xizmat ko‘rsatadigan hudud.
Tug‘ilganlik dalolatnoma yozuvi — bolaning tug‘ilgani haqida rasmiy reestrga kiritilgan ma’lumot.
Apostilь — xorijiy rasmiy hujjatning haqiqiyligini tasdiqlovchi maxsus belgi.
Legalizatsiya — xorijiy hujjatni boshqa davlatda tan olish uchun tasdiqlash tartibi.

Qanday hujjatlar taqdim etiladi?

Odatda quyidagilar talab etiladi:

bola tug‘ilganligi haqidagi tibbiy hujjat;
ota-onaning pasporti, ID-kartasi yoki ularning o‘rnini bosuvchi hujjat;
nikoh tuzilganligi haqidagi guvohnoma;
nikoh bo‘lmasa, otalikni belgilash haqidagi ariza yoki onaning arizasi.

Bolaning tug‘ilgan joyi sifatida u haqiqatda tug‘ilgan ma’muriy hudud ko‘rsatiladi.

Tug‘ilish xorijda ham, konsullikda ham qayd etilmagan bo‘lsa

Agar O‘zbekiston fuqarosining xorijda tug‘ilganligi:

O‘zbekiston konsulligida;
xorijiy davlatning vakolatli organida qayd etilmagan bo‘lsa, tug‘ilganlik O‘zbekistondagi istalgan FHDYo organida qayd etilishi mumkin.

Buning uchun xorijiy vakolatli organ bergan:

tug‘ilishni tasdiqlovchi tibbiy hujjat;
uning davlat tilidagi tarjimasi;
apostilь yoki legalizatsiya taqdim etiladi.

Muhim: O‘zbekistonning xalqaro shartnomasida nazarda tutilgan hollarda apostilь yoki legalizatsiya talab qilinmasligi mumkin.

Tug‘ilish xorijiy organda qayd etilgan bo‘lsa

Xorijiy davlat bergan tug‘ilganlik guvohnomasi, sertifikati yoki boshqa hujjat apostilь qo‘yilgan yoki legalizatsiya qilingan holda «FHDYoning yagona elektron arxivi» tizimiga kiritilishi mumkin.