24/7 ҳуқуқий маслаҳат

Shrift o‘lchami

  • A
  • A
  • A

Ko‘rinish

A
A
A

Huquqiy maslahat - bepul,tezkor, hammaga!

Nogironligi bo‘lgan shaxslar uchun ayrim imtiyozlar: hayotiy misollar

  • 30469 marta o'qildi

Mehnat sohasida qanday kafolatlar mavjud?

Savol: Men II guruh nogironligi bo‘lgan shaxsman. Mehnat qilish jarayonida men uchun qanday imtiyoz va kafolatlar belgilangan?

Javob: Tibbiy-ijtimoiy ekspert komissiyasining to‘liqsiz ish vaqti rejimi, ish yuklamasini kamaytirish va boshqa mehnat sharoitlari to‘g‘risidagi tavsiyalarini bajarish ish beruvchi uchun majburiy.

I va II guruh nogironligi bo‘lgan xodimlar uchun:

  • ish vaqti haftasiga 36 soatdan oshmaydigan qilib belgilanadi;
  • qisqartirilgan ish vaqtida mehnatga haq to‘lash to‘liq ish vaqti uchun belgilangan miqdorda amalga oshiriladi;
  • kamida 30 kalendarь kunlik yillik mehnat ta’tili beriladi;
  • ta’tildan xodim uchun qulay bo‘lgan vaqtda foydalanish mumkin;
  • xodimni yillik mehnat ta’tilidan chaqirib olishga yo‘l qo‘yilmaydi;
  • yozma arizaga ko‘ra har yili 14 kalendarь kungacha ish haqi saqlanmaydigan ta’til berilishi shart.

Nogironligi bo‘lgan xodimni xizmat safariga yuborish, tungi, ish vaqtidan tashqari, dam olish yoki ishlanmaydigan bayram kunlaridagi ishlarga jalb qilishga faqat:

  • uning roziligi bilan;
  • bunday ishlar tibbiy-ijtimoiy ekspert komissiyasi tavsiyalarida taqiqlanmagan bo‘lsa yo‘l qo‘yiladi.

Mol-mulk solig‘i bo‘yicha imtiyoz bormi?

Savol: Men II guruh nogironligi bo‘lgan shaxsman va uy sotib oldim. Mol-mulk solig‘ini to‘laymanmi?

Javob: I va II guruh nogironligi bo‘lgan shaxslarning mulkidagi uy-joy 60 kvadrat metr doirasida mol-mulk solig‘idan ozod qilinadi.

Agar uy-joy maydoni 60 kvadrat metrdan ortiq bo‘lsa, soliq faqat ushbu me’yordan ortiq qismi uchun hisoblanadi.

Imtiyoz mulkdorning tanloviga ko‘ra bitta yashash uchun mo‘ljallangan ko‘chmas mulk ob’ektiga nisbatan qo‘llaniladi. Imtiyozdan foydalanish uchun nogironlikni tasdiqlovchi hujjat taqdim etiladi.

Urush nogironlari va qatnashchilari, shuningdek qonunchilikda ularga tenglashtirilgan shaxslarning mulkidagi mol-mulk uchun alohida soliq imtiyozi belgilangan.

Oliy ta’limga kirishda qanday imtiyozlar bor?

Savol: Men I guruh nogironligi bo‘lgan shaxsman. Oliy ta’lim tashkilotiga kirishda men uchun alohida kvota bormi?

Javob: Nogironligi bo‘lgan shaxslar uchun davlat granti asosida o‘qishga qabul qilishning umumiy parametrlariga nisbatan qo‘shimcha 2 foizli qabul kvotasi ajratiladi.

Ushbu kvota doirasida tanlovda:

  • I va II guruh nogironligi bo‘lgan shaxslar;
  • nogironligi bo‘lgan bolalar ishtirok etishi mumkin.

Qo‘shimcha kvota bo‘yicha qabul kirish imtihonlari natijalari asosida amalga oshiriladi.

Qo‘shimcha kvota doirasida o‘qishga qabul qilinmagan abiturient to‘plagan ballari bilan tegishli ta’lim yo‘nalishi bo‘yicha umumiy tanlovda ham ishtirok etadi.

Professional ta’lim olish uchun maxsus sharoitlarga muhtoj shaxslarga ixtisoslashtirilgan ta’lim muassasalarida yoki boshqa professional ta’lim tashkilotlarida tegishli sharoitlar yaratiladi.

Jazoni o‘tayotgan shaxs majburan ishlatiladimi?

Savol: I yoki II guruh nogironligi bo‘lgan mahkum jazoni ijro etish muassasasida majburan mehnatga jalb qilinishi mumkinmi?

Javob: Ozodlikdan mahrum etilgan I va II guruh nogironligi bo‘lgan shaxslar mehnatga faqat o‘z xohishiga ko‘ra jalb etiladi.

Ularni tungi, ish vaqtidan tashqari, dam olish yoki bayram kunlaridagi ishlarga jalb qilishda nogironligi bo‘lgan xodimlar uchun mehnat qonunchiligida belgilangan cheklovlarga rioya qilinishi shart.

Normativ hujjatlar

O‘zbekiston Respublikasining Mehnat kodeksi

O‘zbekiston Respublikasining Soliq kodeksi

O‘zbekiston Respublikasining «Nogironligi bo‘lgan shaxslarning huquqlari to‘g‘risida»gi Qonuni

O‘zbekiston Respublikasi Vazirlar Mahkamasining 2018-yil 2 iyundagi 417-son qarori

O‘zbekiston Respublikasining Jinoyat-ijroiya kodeksi

Bo‘limlar

Xalq deputatlari Kengashi

Adliya TV

O'zbekiston Respublikasi Adliya vazirligi

Normativ-huquqiy hujjatlar bazasi

O‘zbekiston Respublikasi Konstitutsiyasi

Pensiya va nafaqalar

“Inson” ijtimoiy xizmatlar markazlari

Ijtimoiy himoya

Mehnat munosabatlari

Ishdagi muammolar

Nogironligi bo‘lgan shaxslarga imtiyozlar

Ta’lim

Oilaviy munosabatlar

Ajrim va aliment masalalari

Gender tenglik va xotin-qizlar masalalari

Migratsiya

Uy-joy, yer va kommunal masalalari

Uy-joy ijara masalalari

Korrupsiyaga qarshi kurashish

Fuqarolik masalalari

Huquqni muhozafa qiluvchi organlar

Vatandoshlar

Siyosiy partiyalar va saylov

Umumiy harbiy majburiyat

Soliqlar

Sog‘liqni saqlash

Majburiy ijro

Bank sohasi

Iste’molchi huquqi

Mahalla

Sud-huquq masalalari

Transport

Chet elliklarga eslatma

Bojxona masalalar

One ID vа YaIDXP

Davlat xizmatlari

Intellektual mulk

Shaharsozlik

Tadbirkorlik

Advokat xizmati

Notariat

Yuridik xizmat (huquqiy hujjat namunalari)

Bepul huquqiy yordam

Turizm

Ommaviy axborot vositalari

Ekologiya

Sport

Abituriyentlar uchun

Axborotlashtirish (turfa Mavzular)

Haydovchilik huquqini olish

IT soha yuzasidan

Ma’lumotlar

NNT faoliyati bo'yicha qonunchilik normalari

Yuridik lug‘at

Ishonch telefonlari

Hisoblagichlar (yuridik kalkulyatorlar)

Avtohuquq – Yo‘ldagi huquq va boshqa masalalar

Pro bono-Ko‘ngilli huquqshunos

Bepul huquqiy yordam vaucheri

PSEA

Kommunal xizmatlar

Mediatsiya

Farmatsevtika tarmog'ini rivojlantirish agentligi

Qonunchilikdagi yangiliklar

Video kontentlar

Wakil AI

Jahon yangiliklari

Sug‘urta masalalari

Jamiyat

Hodisalar

Lokatsiya

Siz uchun muhim (bilib qo‘ygan yaxshi)

Moliya

Mahalla “yettiligi”

Dayjestlar
Chat