24/7 ҳуқуқий маслаҳат

Шрифт ўлчами

  • A
  • A
  • A

Кўриниш

A
A
A

Ҳуқуқий маслаҳат - бепул, тезкор, ҳаммага!

Ногиронлиги бўлган шахслар учун айрим имтиёзлар: ҳаётий мисоллар

  • 30471 марта ўқилди

Меҳнат соҳасида қандай кафолатлар мавжуд?

Савол: Мен II гуруҳ ногиронлиги бўлган шахсман. Меҳнат қилиш жараёнида мен учун қандай имтиёз ва кафолатлар белгиланган?

Жавоб: Тиббий-ижтимоий эксперт комиссиясининг тўлиқсиз иш вақти режими, иш юкламасини камайтириш ва бошқа меҳнат шароитлари тўғрисидаги тавсияларини бажариш иш берувчи учун мажбурий.

I ва II гуруҳ ногиронлиги бўлган ходимлар учун:

  • иш вақти ҳафтасига 36 соатдан ошмайдиган қилиб белгиланади;
  • қисқартирилган иш вақтида меҳнатга ҳақ тўлаш тўлиқ иш вақти учун белгиланган миқдорда амалга оширилади;
  • камида 30 календарь кунлик йиллик меҳнат таътили берилади;
  • таътилдан ходим учун қулай бўлган вақтда фойдаланиш мумкин;
  • ходимни йиллик меҳнат таътилидан чақириб олишга йўл қўйилмайди;
  • ёзма аризага кўра ҳар йили 14 календарь кунгача иш ҳақи сақланмайдиган таътил берилиши шарт.

Ногиронлиги бўлган ходимни хизмат сафарига юбориш, тунги, иш вақтидан ташқари, дам олиш ёки ишланмайдиган байрам кунларидаги ишларга жалб қилишга фақат:

  • унинг розилиги билан;
  • бундай ишлар тиббий-ижтимоий эксперт комиссияси тавсияларида тақиқланмаган бўлса йўл қўйилади.

Мол-мулк солиғи бўйича имтиёз борми?

Савол: Мен II гуруҳ ногиронлиги бўлган шахсман ва уй сотиб олдим. Мол-мулк солиғини тўлайманми?

Жавоб: I ва II гуруҳ ногиронлиги бўлган шахсларнинг мулкидаги уй-жой 60 квадрат метр доирасида мол-мулк солиғидан озод қилинади.

Агар уй-жой майдони 60 квадрат метрдан ортиқ бўлса, солиқ фақат ушбу меъёрдан ортиқ қисми учун ҳисобланади.

Имтиёз мулкдорнинг танловига кўра битта яшаш учун мўлжалланган кўчмас мулк объектига нисбатан қўлланилади. Имтиёздан фойдаланиш учун ногиронликни тасдиқловчи ҳужжат тақдим этилади.

Уруш ногиронлари ва қатнашчилари, шунингдек қонунчиликда уларга тенглаштирилган шахсларнинг мулкидаги мол-мулк учун алоҳида солиқ имтиёзи белгиланган.

Олий таълимга киришда қандай имтиёзлар бор?

Савол: Мен I гуруҳ ногиронлиги бўлган шахсман. Олий таълим ташкилотига киришда мен учун алоҳида квота борми?

Жавоб: Ногиронлиги бўлган шахслар учун давлат гранти асосида ўқишга қабул қилишнинг умумий параметрларига нисбатан қўшимча 2 фоизли қабул квотаси ажратилади.

Ушбу квота доирасида танловда:

  • I ва II гуруҳ ногиронлиги бўлган шахслар;
  • ногиронлиги бўлган болалар иштирок этиши мумкин.

Қўшимча квота бўйича қабул кириш имтиҳонлари натижалари асосида амалга оширилади.

Қўшимча квота доирасида ўқишга қабул қилинмаган абитуриент тўплаган баллари билан тегишли таълим йўналиши бўйича умумий танловда ҳам иштирок этади.

Профессионал таълим олиш учун махсус шароитларга муҳтож шахсларга ихтисослаштирилган таълим муассасаларида ёки бошқа профессионал таълим ташкилотларида тегишли шароитлар яратилади.

Жазони ўтаётган шахс мажбуран ишлатиладими?

Савол: I ёки II гуруҳ ногиронлиги бўлган маҳкум жазони ижро этиш муассасасида мажбуран меҳнатга жалб қилиниши мумкинми?

Жавоб: Озодликдан маҳрум этилган I ва II гуруҳ ногиронлиги бўлган шахслар меҳнатга фақат ўз хоҳишига кўра жалб этилади.

Уларни тунги, иш вақтидан ташқари, дам олиш ёки байрам кунларидаги ишларга жалб қилишда ногиронлиги бўлган ходимлар учун меҳнат қонунчилигида белгиланган чекловларга риоя қилиниши шарт.

Норматив ҳужжатлар

Ўзбекистон Республикасининг Меҳнат кодекси

Ўзбекистон Республикасининг Солиқ кодекси

Ўзбекистон Республикасининг «Ногиронлиги бўлган шахсларнинг ҳуқуқлари тўғрисида»ги Қонуни

Ўзбекистон Республикаси Вазирлар Маҳкамасининг 2018 йил 2 июндаги 417-сон қарори

Ўзбекистон Республикасининг Жиноят-ижроия кодекси

Бўлимлар

Халқ депутатлари Кенгаши

Адлия ТВ

Ўзбекистон Республикаси Адлия вазирлиги

Норматив-ҳуқуқий ҳужжатлар базаси

Ўзбекистон Республикаси Конституцияси

Пенсия ва нафақалар

"Инсон" ижтимоий хизматлар марказлари

Ижтимоий ҳимоя

Меҳнат муносабатлари

Ишдаги муаммолар

Ногиронлиги бўлган шахсларга имтиёзлар

Таълим

Оилавий муносабатлар

Ажрим ва алимент масалалари

Миграция

Гендер тенглик ва хотин-қизлар масалалари

Уй-жой, ер ва коммунал масалалари

Уй-жой ижара масалалари

Коррупцияга қарши курашиш

Ҳуқуқни муҳофаза қилувчи органлар

Ватандошлар

Фуқаролик масалалари

Соғлиқни сақлаш

Солиқлар

Сиёсий партиялар ва сайлов

Умумий ҳарбий мажбурият

Банк соҳаси

Мажбурий ижро

Истеъмолчи ҳуқуқи

Маҳалла

Суд-ҳуқуқ масалалари

Транспорт

Чет элликларга эслатма

Божхона масалалари

One ID ва ЯИДХП

Давлат хизматлари

Интеллектуал мулк

Тадбиркорлик

Шаҳарсозлик масалалари

Адвокат хизмати

Нотариат

Юридик хизмат (ҳуқуқий ҳужжат намуналари)

Бепул ҳуқуқий ёрдам

Туризм

Оммавий ахборот воситалари

Экология

Абитуриентлар учун

Спорт

Ахборотлаштириш (турфа мавзулар)

Ҳайдовчилик ҳуқуқини олиш

IT соҳа юзасидан

Маълумотлар

ННТ фаолияти бўйича қонунчилик нормалари

Юридик луғат

Ишонч телефонлари

Ҳисоблагичлар (юридик калькуляторлар)

Автоҳуқуқ – Йўлдаги ҳуқуқ ва бошқа масалалар

Pro bono-Кўнгилли ҳуқуқшунос

Бепул ҳуқуқий ёрдам ваучери

PSEA

Коммунал хизматлар

Бола ҳуқуқлари ва ёшлар сиёсати

Медиация

Фармацевтика тармоғини ривожлантириш агентлиги

Қонунчиликдаги янгиликлар

Видео контентлар

Wakil AI

Жаҳон янгиликлари

Cуғурта масалалари

Жамият

Ҳодисалар

Локация

Сиз учун муҳим (билиб қўйган яхши)

Маҳалла "еттилиги"

Молия

Дайжестлар
Chat